Yaltanıñ Rusiye akimiyeti Yaltada 18 binanı qanunsız inşaat kibi tanıdı, bu aqta Yalta memuriyetiniñ hadimi Ruslan Osipçuknıñ sözlerinden “Krıminform” Qırım yerli matbuatı bildirmekte.
“Umumen 26 iş baqıldı, olardan 18-ini yıqmağa qarar berildi. Qanunsız inşaatlarnıñ arasında - garaj, arançıqlar ve bir qaç qatlı binalar. Daa sekiz obyekt boyunca mahkemede dava açılacaq”, - Osipçuknıñ sözlerinden yazdı haber agentligi.