Yaltanıñ Rusiye akimiyeti yerli sakinlerge şeerniñ resmiy timsalleri – alemi, gimni ve bayrağınıñ – deñiştirilüvini muzakere etmege teklif ete. Memuriyet yolbaşçısı Aleksey Çelpanovnıñ aytqanına köre, bu teşebbüsni yerli aqsaqallar şurası aydınlattı.
«Yerli sakinlerniñ şeerniñ zemaneviy alemine olğan munasebetini bilmek kerek, dep tüşünemiz, çünki onıñ esas elementleri Yaltağa Ukraina zamanında keldi», – dedi Çelpanov.
Onıñ hatırlatqanına köre, bu timsal 2005 senesi tasdıqlanğan edi, 2005 senesi fevral ayında ise qalqan şekli, renki ve qoşma elementlernen bağlı küçük deñişmeler kirsetildi.
Aynı vaqıtta Aleksey Çelpanovnıñ qayd etkenine köre, muzakerede alem mütehassıslarınıñ fikirlerine emiyet berilmeli – riayet etilecek yanaşuv ve qanunlar ceetinden.
Aqsaqallar şurasınıñ reisi Anatoliy Mirzoyan Yalta aleminiñ ikâyesini er taraftan baqmalı, dep ayta – 1844 senesi noyabrniñ 17-nde Yalta qazası içün diger Tavriya guberniyalarınıñ tasdıqlanğan alemleri kibi birinci variantına emiyet berilmeli.
