Aprelniñ 13-ünde Yaltada “Avangard” şeer satdionında devlet müessiseleriniñ ve şeer memuriyetiniñ işçileri “GTO” (“Gotov k trudu i oborone” - “Emek ve mudafaağa azırım”) normaları boyunca beden medeniyeti testlevini keçti.
Qırım.Aqiqat mühbiri bildirgeni kibi, tedbirde şeer memuriyetiniñ başı Aleksey Çelpanov da iştirak etti. O girâ köterdi ve pnevmatik tüfekten attı.
Stadionnıñ sport zallarında iştirakçiler yerden sıçrama, sıqıluv, girâ köterüvi, press adaleleri vazifeleri ve atış boyunca normalarnı tapşıra edi.
Bir qaç Yalta şeer şurasınıñ mabusında ğayrı, qalğanı beden medeniyeti testlevge kelmedi. Şeer şurasınıñ reisi Roman Derkaç da testlevge kelmedi. Devlet müessiselerniñ işçilerinden ğayrı, “GTO” testini rusiye polisi ve FVN hadimleri, Yalta sportçuları tapşırdı.
“Emek ve mudafaağa azırım” Rusiye sport kompleksi 2014 senesi martnıñ 24-ünde prezident emrinen başlatılğan edi.
