Link açıqlığı

Saatnıñ esas haberi

Yaltada ğayıp olğan 12 yaşında qızçıq tapıldı


Yaltada eki kün evelsi ğayıp olğan 12 yaşında Yelizaveta Poliyanskaya tapıldı, dep bildirdi Qırımdaki Rusiye İç işler nazirligi idaresiniñ matbuat hızmeti.

Matbuat hızmetiniñ malümatına köre, qızçıqnıñ bulunğan yerini Yalta şifahanelerinden biriniñ bekçisi haber etti.

«Bala evge qaytarıldı. Evde olmağanda oña qarşı qanunsız bir areket yapılmadı. Politsiya bala ve ana-babasınen bir sıra profilaktika subetini keçirdi», – dep qoştı matbuat hızmeti.

Yelizaveta Poliyanskaya fevralniñ 11-nde saat 16:00-larda evden ketti ve aman-aman eki kün devamında bulunğan yeri belli degil edi.

Kefede 2018 senesi mart ayında üç kişiden ibaret qorantanıñ ğayıp oluvı sebebinden cinaiy iş açılğan edi. Martnıñ 7-nde belli olğanına köre, Qırımda ğayıp olğan aileniñ cesedleri tapıldı. Tahqiqat komiteti bu cinayetni işlegeninden şübheli olğan Keriç sakini yaqalandı, dep bildirdi.

XS
SM
MD
LG