Rusiye kontrolindeki Qırım Yuqarı mahkemesi 44 yaşında Yalta sakinini çetel devletinen işbirligi davası boyunca beş yıl koloniyada qalmasına üküm etti. Bu aqta RİA Novosti yaza.
Rusiye uquq qoruyıcıları bildirgenine köre, 2022 senesi oktâbr ayından 2023 senesi aprel ayına qadar yaltalı messencerlerde Ukrayına telükesizlik hızmetiniñ vekillerinen añlaşma yapıp, «uçucısızlarnı idare etmege, silâ qullanmağa bildirgenini bildirdi». O, cenkte Ukrayına tarafında iştirak etmege istegenini aytqan eken.
Rusiye FSBsiniñ matbuat hızmeti haber etkenine köre, bundan evel qabaatlanğannıñ ortağı, o da Yalta sakini, altı yılğa ve 500 biñ ruble para cezasına üküm etildi. Olar Ukrayına telükesizlik hızmetine Qırımdaki arbiy ve içtimaiy vaziyet aqqında haber etip, işğal etilgen Qırımda Rusiye arbiy obyektlerine qarşı «diversion-terror aktlarını yapmağa azır olğanını bildirdi».
Qırımda ve Aqyarda 2014 senesinden başlap eñ azından 16 Ukrayına vatandaşı «casuslıq» ve «diversiyada» qabaatlanıp mahküm etildi. 2015 senesi Rusiye mahkemesi rejissör Oleğ Sentsovnı teraktlarnıñ teşkil etilmesinde qabaatlap, 20 yılğa üküm etti. Rusiye quvetçileri «diversiyanı «Hizb ut-Tahrir» islâm siyasiy teşkilâtınıñ vekillerine de yükley. Rusiyeniñ Ukrayınağa tam miqyaslı istilâsı başlağan soñ yarımadada cenk ile razı olmağanlarnı kütleviy surette taqip eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
