Yaltada Rusiye akimiyeti Rusiye vatandaşlığını almağan insanlardan mal-mulk çeikp alına, soñra da Rusiye arbiyleri yerleştirile, dep bildire Ukrayına Silâlı quvetleriniñ mayısnıñ 31-nde haberinde.
«Vaqtınca işğal etilgen Qırım Muhtar Cumhuriyetiniñ Yalta şeerinde Rusiye işğalci akimiyeti yarımada işğali vaqtında Rusiye vatandaşlığını qabul etmegen Ukrayına vatandaşlarınıñ mal-mülkini qanunsız bir şekilde ala. Böyle evlerge Rusiye işğalci ordusınıñ arbiyleri yerleşe», – dep aytıla haberde.
Bu malümatnı tez teşkermek imkânsızdır.
Aprelniñ 7-nde belli olğanına köre, Rusiye kontrolindeki Qırım akimiyeti Ukrayınağa qarşı cenk iştirakçilerine topraq damartılarını berüv fermanlarını berip başladı. TASS Rusiye agentliginiñ malümatına köre, başta umumen 56 gektarlıq 511 damartı azırlandı. Episi Saq rayonında yerleşe.
Ukrayına akimiyeti bu qararlarnı boş saya ve Qırım Kyiv kontroline qaytqanda olar lâğu etilecek, dep tenbiley.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
