Rusiye nezaretindeki Yalta mahkemesi, politsiya hadimlerine tirenüvde qabaatlanğan, ayvanlarnen foto çeküvni teşkil etken eki adamnı beş künge apis etti.
Rusiye İİN-niñ Qırım idaresi bildirgeni kibi, politsiya teşkerüvi vaqtında eki iş adamı, "Qarılğaç yuvası" abidesi yanında süret hızmetlerini becermekke izin vesiqalarını kösterip olamadı.
Beyanatqa köre, ekologlar ve politsiya hadimleri bu adamlardan, "foto hızmetlerini becermek içün qanunsız qullanılğan", bayquş ve maymunnı tutıp aldı.
Daa evel bildirile edi ki, üç yıl devamında Rusiye politsiyası, turistik yerlerde ayvanlarnen foto çeküv hızmetlerini teklif etken adamlardan 40-ten ziyade ayvannı tutıp aldı.
