Rusiye Federatsiyası kontrolindeki Qırım Yuqarı mahkemesi 31 yaşında Yalta sakinine Ukrayina Mudafaa nazirligi ile işbirligi sebebinden beş yıl koloniyada qalmasına üküm etti. Bu aqta aprelniñ 3-nde Qırımnıñ Rusiye prokuraturası haber etti.
Berilgen malümatqa köre, 2023 senesi iyül ayından 2024 senesi mart ayına qadar erkek içtimaiy ağlarda Ukrayina arbiylerinen yazışqan edi, 2023 senesiniñ soñunda ise Yalta civarında Rusiye Silâlı quvetleriniñ yerlerini ve Aqyar şeerinde Qara deñiz flotunıñ Rusiye arbiy gemilerininiñ çıqarğan eken. Rusiye uquq qoruyıcılarınıñ malümatını mustaqil menbalarda tasdıqlamaq cenk vaziyetinde imkânsız ola.
Erkekniñ adı ve soyadı aytılmay, ükümnen bağlı açıq izaatları yoq, mabüsniñ imayesiniñ fikri aydınlatılmadı.
Aq qorçalayıcılar Rusiye uquq qoruyıcıları devlet hainligi, işbirligi ve casuslıq maddelerine istinaden açqan davalarınıñ sayısı artacaqtır. Şimdi FSB aman-aman er kün böyle davalar aça, 2014 senesine qadar olarnıñ sayısı yılda eñ çoq 10 ola edi. Ukrayinağa qarşı büyük istilâdan soñ devlet hainligi maddesi Rusiyede cenkke qarşı çıqqanlar içün eñ populâr maddelerden biri oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
