Yaltanıñ rusiyeli memuriyeti başınıñ yardımcısı Maksim Dvoretskiy, fevralniñ ekinci dekadasında bütün plâj alanlarnıñ planlaştırılğan teşkerüvi başlanacağını haber etti.
“Birinciden, atta şimdi, qışta bile, plâjlarnıñ sanitar vaziyetine diqqat etecekmiz. Çöplük ve tertipsizlik içün cöremeler olacaq”, - yaza Dvoretskiynıñ sözlerinden şeer memuriyetiniñ matbuat hızmeti.
Aynı zamanda şeer memuriyeti memurlığınıñ başı İrina Romanets, plâjlar mayısnıñ 1-inece qadar azır olmaq kerek olğanlarını haber etti.
“Qabul etilgen abadanlaştıruv qaidelerine köre, mayısnıñ 1-ine qadar bütün tamir işleri, boyalav, yalı kenarınıñ abadalaştıruvı yekünlenmeli. Akis alda, memuriy cöremeler alınacaq”, - qayd etti Romanets.
Onıñ aytqanına köre, iyünniñ 1-ine qadar bütün plâj alanları boyunca azırlıq vesiqaları imzalanmalı.
Daa evel Qırımnıñ rusiyeli akimiyetiniñ başı Yuriy Gotsanük, Qırımda yalı kemarlarınıñ cıyıştırılması icün mesuliyetli şahıslarnı tayin etecegini bildirgen edi.
