Yalta şeeriniñ rusiyeli şurası İvan İmrguntnı Yalta memuriyet başınıñ muavini rutbesine tayinledi. “Krıminform” bildirgeni kibi, evel o Kreml nezaretindeki Qırım başı Sergey Aksönovnıñ yardımcısı edi.
Şeer memuriyetiniñ başı Aleksey Çelpanov bildirgeni kibi, İmgrunt sekiz yıl Rusiye prokuraturasında çalıştı ve 17 yıl devamında qomşu Rusiyede Krasnodar ülkesinde idareciliknen oğraştı.
Çelpanov, namzetniñ yuridik tasili bar olğanını da qayd etti.
İmgrunt özü şeer şurasınıñ toplaşuvında, 2018 senesi fevralde oña qarşı cinaiy dava açılğanını aytıp berdi, amma 2018 senesi dekabrde cinayetçilik olmağanından sebep o qapatıldı.
