Link açıqlığı

Andrey Piontkovskiy

Putin akimiyetten çetleşken soñ, çoq yıllar surecek mecburiy raatlıq devamında, mart 18-ndeki Qırım numayışı içün «eyi Gitlerniñ» sudet nutuğını yazıp alğan dolandırıcı spiçrayterni qarğap oturacaqtır. Bu kibi ölülerniñ mezarlarını qazıp açmaq mümkün degil. Almaniyanıñ natsizmini yeñip, ğalebeni putlaştırğan halq, şeytan ibarelerine köz yumdı – dağılğan halq, alman (rus) topraqlarnıñ birleşüvi, Üçünci reyh (Rus dünyası, 5-nci İmperiya), Ein Volk ein Reich ein Fuhrer, bir avuç milletçi-satqınlar.


Sanki dersiñ, 1914 senesi avgust 2 künü kibi, bütün halq bayraqlar, ikona, çarnıñ süretleri, Georgiy şeritlerni alıp, Novo-Ögarevodaki rezidentsiya ögüne secde eter. Padişanıñ resmiy olaraq vazifesine keçken künü «isyan» kötergenleri içün mahkeme etilgen, sert proleter yetekçileri, sadıq qullar kibi qara parmaqlılar artından muracaat ete ediler: «Rus topraqlarını birleştirgen biñ yaşasıñ!». Muhalifetteki burjua hanımları Ğalipniñ ayaqları tübüne iltifat güldestelerini atqanlar. Yalıñız, klassik «aqiqiy aryan(ariyets), Rus dünyasınıñ duşmanlrını iç acımağan soyu» sözleri yetişmey edi. Bu kelimelerni bir qaç künden soñ, özüni ve epimizni Karpatı dağlarından eñgen ve barışıq sürette Avrasiyanı ta Tınç okeanustaki Ross qalesine qadar toldurğan, aryan qabilesiniñ mirasçıları olaraq acayıp rus vatanpereveri Vâçeslav Nikonov adlandırdı.

Daiy, aytqan sözleri o qadar tesirli olacağına ümüt etmeyip, ve atta, başından niyetlenmegendir. Onıñ konkret ve ameliy bir maqsadı bar edi: tata-qardaş Ukrainanı sıqıştırıp, avrasiyalı cinayetçiler bezilerinden yibermemek ve avorpalı iqtisadiy ve siyasiy yaşayışını seçip aluv yolunda mania olmaqtır. Çünki, bu yol, rus cemiyeti içün bir misal olıp, Rusiye maneviy temellerini yıqa bilecek edi. Qırımnıñ işğali, Rus dünyasını birleştirmek degil, yalıñız, ukrain meselesiniñ çezüvi olaraq közde tutula edi. Martnıñ 18-ne qadar Putin – Vladimir Tavriyalınıñ tarihiy missiyasını aqılınıñ çetine bile ketirmedi. O, cinayetçilerge qarşı ukrain iñqilâbını yoq etip, memnün qalır edi.

Amma, Putin eyecanlı rusiyelilerniñ yañı coğrafik hayalı ile yürek yağlarını iritti, em de, añlarında bulunıp, endi tarqalğan «Putin-qırsız» ibaresini tekmilnen silip taşladı. 1999 senesi ruhlarnı kötergen, amma çoqtan bezdirgen «boqqa batırmaq» şiarından soñ, birinci kere, ve daiy içün kerekli, «topraqlarnı birleştirmek» yañı efsanesi uydurıldı. Endiden soñ, Putin – bizim er şeyimmizdir. Qırımbizim. Rus dünyası. Bu canlandırıcı efsane ükümdar içün daa bir hususiyeti ile kelişiklidir, çünki tıştan duşmanlarnı ve milletçi-satqınlarnı belgilep, razı olmağanlarnıñ yoq etilüvini ve iqtisadiyatnıñ ğayıp olğanını aqlay. Yani, Kreml akimiyetini desteklegen diger daa eyi ğayeni uydurmağa acet yoq. Aynı zamanda, efsane havflı olması mümkün, çünki Rus dünyası haritasnıñ daimiy sürette deñişip turğanını talap ete. Turğunlıq, ve ya tış duşmandan qorqıp, bir adım bile artqa yapılsa, ükümdar içün öldürici ola bile ve atta, eñ coşqun tarafdarları arasında qorqunçlı şübe doğurmaq mümkün: «Kerçek çar degil!».

Endiden soñ, akimiyette olacaq soñki kününe qadar, o Kerçek Vladimir olıp qalması mecbur olacaq, dağlarnıñ töpesinden eñgen aryan qabilesi ögünde yaltaqlanıp yürecek. Bir çoq asır devamında bu qabileniñ aryanlı çekik közlerinde - toq, bürrokrat, tembel, qorqaq, eki yüzlü, yalancı kibi körüngen Ğarp Putinge Münhen-Jeneva añlaşmasını tizmege teklif etti: Qırımnı keçip kettik, amma qalğan Ukraina, Sovet devirinde Finlândiya kibi mustaqil, bloktan tış siz idare etken zonada qalacaq. Martnıñ 18-ne qadar Putin, uzun añlaşmalar neticesinde, Ukraina ile idare etüvniñ eñ sert şartlarını belgilep, memnüniyet ile mevzunı qapatır edi. Amma, 18 mart kününden soñ, Putin bayağı deñişti!

Aprel 17 künü semetdeşleri ile «canlı bağda» bulunıp, prezident, unikal kodunıñ saipleri olğanımıznı beyan etip, epimizni ruhlandırdı. Oña ait merhametlik ile, diger hakl ve milletlerniñ ayırı degerlikleri (meselâ, esapkârlıq, ticariy kibi hususiyetler) olğanını ayttı, amma, digerlerge baqqanda, bizim üstünligimiz bar, çünki olarnıñ maneviyatı zayıf. Neticede, qabile ögüne qızışqan qabile ögüne yañı maqsad qoydı – işte bu, Novorossiya: Ukrainağa qanunsız şekilde berilgen altı rus vilâyetlerniñ qaytarıluvı oldı.

İlâhsız, maneviyatsız Ğarp biraz şaşmalap qaldı. Aslında Ğarpta Ukrainanı teslim etmege daima azır ediler. Ukrainadaki kerginlikke Obama ve Rasmussenniñ birinci cevabı olaraq, AQŞ ve NATO cenkke qarışmacaqları oldı, çünki Ukraina, Şimaliy-atlantik alyansnıñ azası degil. Kerçekten, bir kimseniñ qorçalamağa boyun borcu olmağan memleket içün, özek silâsı olğan devlet ile kim küreşecek? Budapeşt memorandumı yalıñız bir kâğıt parçası olğanını bilip, unutmaq kerek.

Ukraina vaziyetinde Putinniñ özek silâsı ile gizli qorquzuvları öz işini yaptı. Amma, bizim duşmanlarımıznı diqqatlıca olmasına sebep oldı. Qırım, Novorossiya, yigirmi yıldan berli ayaqqa turıp olamağan qabileniñ ayaqları astında daa neni bastırmaq mümkün? Şimaliy Qazahistanmı? Bu topraqlar aqqında laf bile açılsa, Putin pek yahşı añlay: Semireçye, birden «Sarı adamçıqlarnen» tolacağı, Transsibir magistrali kesilip, Uzaq Şarq ve Sibiriyada yerli halqlarnıñ tarihiy vatanarınen, Yuan sülâlesiniñ imperatorlığınen birleşmek maqsadında, kendi keleceklerini belgilemeleri içün destek kösterilecektir. Ve, insan ömürine iç qıymet bermegen halq ile küreşte, özek silâsına tayanmaq manasızdır.

Rus topraqlarını toplamaq ğesiniñ yaşaması içün ne qala? Narva. Rus Narvası. Rus arbiy şerefinini şeeri, dat qalesi, İvan Groznıy tarafından yaqılğan, ve añlaşılmağan bir vaziyette istilâcı NATO-ğa kirgen devletniñ terkibinde qalğan şeer. Ebet, NATO devlettleri ve Rus dünyasınıñ küçüni teñeştirsek, şeerni vatanğa qaytarmaq içün referendumnıñ keçirilüvi teminlemege kelgen yeşil adamçıqlarnıñ sayısı ve er angi naqliye vastalarına baqmadan, istilâcı blok olarnı yarım saat içinde yoq eter.

Yoq ete bileler, amma, yapmazlar. Çünki, olarnıñ artında Rus dünyasınıñ ükümdarı tura, onıñ qolunda ise, Kim Çen Innıñ özek çöplügi degil de, dünyada eñ küçlü özek silâsı bar. Ordusınıñ ğayıp oluvına kederlengen Putin, birden AQŞ öldürici cenk alıp barmaz, birinciden, bir qaç avropalı şeerni yernen-yeqsan eter. AQŞ-nıñ özünde ise, itibarlı ekspert ve siyasetşınaslar sorav keçirip, «Siz Narvanı qorçalap, ölmege razısıñızmı?» kibi sualni berirler. Onıñ içün, Ğarp Ukrainanı qorçalamağanı kibi, iç bir vaqıt Estoniya (ya da Latviyanı) qorçalamaq maqsadında Rusiyenen cenkleşmez. Kremlde bunı añlap, açılğan fursatlarnı muzakere eteler.

Amma, Kremlde Ğarp içün ğayet pıtraqlı olğan meseleniñ digger tarafını közge almaylar. Ğarp iç bir zaman, NATOğa kirgen devletniñ qorçalanuvından vazgeçmez. Aksi alda, Narva içün küreşmemek, demek, NATOnı ğayıp etmek olur, ve AQŞ dünya yetekçisi olaraq yoq olur. Rus dünyası içün pek istenilgen bir arzu. Bu vaziyette Ğarp ne yapa bile? Çezim yolu bar, ve ğaliba, Ğarp onı endi taptı. Tek bir yol, Narva meselesini asıl çıqarmamaq. Bunıñ içün, Pütinniñ keçmişten alınğan tarihiy rus topraqlarnıñ birleşüvi ğayesi, Ukraina misalinde bile, boş olğanı numayış etilmek kerek.

Birleşken Putin, aqiqaten iqtisadiy sanktsiyalarnıñ artmasından, bu cümleden ayırı şahıslarğa qarşı kirsetilgen yasaqlardan şaşıp qaldı. İşte Ğarpnıñ yapa bilecek bir qaç adımını o közge almadı. Elbette, sanktsiyalar yalıñız Rusiyege degil, bütün dünya iqtisadiyatına zarar ketirirler. Amma, 2014 senesi mart 18-nden başlap, Putin, bütün Ğarp içün mevcut olğan problemağa çevirildi, onı çezmek içün ise, paalığa tüşe bile. İqtisadiy sanktsiyalarından ğayrı, rusiyeli ve dünya cemaatçılığını Putin ve tarafdarlarınıñ maddiy servetleri aqqında haberdar etilecektir. Rusiye yolbaşçılarınıñ esaplarını aydınlatacaqlar – siyasiy cietinden, esaplarnıñ toqtatılmasından daa da ciddiy telüke. Rus dünya közünde bu kibi tercimei alnen daiy vazifesini eda etmek ğayet küç olur. Amerikanlı hızmetleri tarafında pütinniñ $40 mlrd dolları aqqında malümatnıñ bile-bile tarqatuvı – bu birinci haber ve soñki tenbiyelev. Mr. Putin, ekisinden birisini saylap alıñız. Ya trusik kiyiñiz, ya da haçnı alıp taşlañız. Ya rus topraqlarını birleştiriñiz, ya da amerikanlı dollarnı toplañız.

Andrey Piontkovskiy – moskvalı siyasiy ekspert

«Fikir» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün
XS
SM
MD
LG