Yañı Zelandiyanıñ White Island adasında yañardağ fışqıruvınıñ qurbanı, soñki malümatqa köre, 16 insan oldı. Bunı Reuters yerli politsiyanıñ malümatına esaslanıp haber ete.
Agentlikniñ malümatına köre, tünevin hastahanede yaralanğanlardan biri can bergen soñ qurbanlarnıñ sayısı arttı.
White Island adasına qurtarıcılar taqımı keldi, amma eki ğayıp olğan insannı tapıp olamadılar.
Adada yañardağ faal olğanı içün alâ daa telükelidir. Qurtarıcılar anda tek 75 daqqa çalışa. Şu sebepten politsiya bir ceset tapılmadı, dep bildirdi.
Dekabrniñ 9-nda Yañı Zelandiyada yañardağ fışqırmağa başladı. White Island adasında tahminen 50 kişi bar edi – esasen Avstraliya, ABD, Almaniya, Qıtay, Büyük Britaniya ve Malayziya turistleri. 20-den çoq kişi kritik alda hastahanede qala.
