Yañı Zelandiyanıñ White Island adasında apansızdan fışqırmağa başlağan yañardağ neticesinde 20-den çoq kişi ğayıp oldı, dep bildire Azatlıq Radiosı.
Fışqıruv vaqtında adada 50-ge yaqın insan bar edi. Soñki malümatqa köre, beş kişi elâk oldı. 20-den çoq insan qurtarıldı, bazılarınıñ ciddiy yaraları bar. Fışqıruvdan bir qaç daqqa ögüne, video kameralarınıñ malümatına köre, kraterde bulunğan Avstraliya turistleriniñ vaziyeti belli degil.
Fışqıruv başlağan soñ yañardağ küli peyda oldı, o, qurtaruv tedbirlerini zorlaştıra. Adağa qurtaruv vertolötları yollanıldı.
White Island – Yañı Zelandiyanıñ eki eñ büyük adadan biri olğan Şimaliy adanıñ şimaline doğru yerleşken yañardağ adasıdır. Ada turistler arasında populârdır. O, yañardağ töpesi ola. Soñki fışqıruvı 2016 senesi qayd etilgen edi.
