Qıtay Milliy sağlıq komissiyasınıñ malümatına köre, fevralniñ 10-na qadar yañı koronavirustan ölgenlerniñ sayısı 908-ge arttı, dep bildire Azatlıq Radiosı.
Esas Qıtayda fevralniñ 9-nda 3062 yañı hasta qayd etildi, olarnıñ umumiy sayısı 40171-ge arttı.
Dünya sağlıq teşkilâtınıñ imayesi altındaki halqara ekspertler gruppası qırğınlıqnen küreşte yardımcı olmaq içün Pekinge yol aldı.
Reuters agentliginiñ qayd etkenine köre, bu raatlıq künleri Uhanda koronavirusqa oğrağan amerikalı öldi – o, qıtaylı olmağan ilk tasdıqlanğan qurban oldı.
Virus eñ az 27 memleketke tarqalıp, 330 insanğa yuqturdı. Esas Qıtay tışında ölgen eki insan aqqında haber etilgen edi.
Daa evel Diamond Princess gemisinde olğan ukrainalıda 2019-nCoV koronavirusı tapıldı, onı gemiden çıqarğanlar.
