İyün 18-inde Ukrainada 921 adamda koronavirus infektsiyasını tasdıqlandı, bildire Ukraina milliy havfsızlıq ve mudafaa şurası ve Sağlıq naziri Maksim Stepanov. Şimdilik bu, pandemiyanıñ başından berli eñ yüksek köstergiç, haber ete Radio Svoboda.
Tünevin 19 adam vefat etti. Amma, Stepanovnıñ aytqanına köre, 587 adam yahşı oldı.
O, yañı belgilengen hastalar arasında 64 bala ve 161 tıp hadimi bar olğanını qoştı. 182 adamnı hastahanege qoydılar.
"Er kün devamında, er saba bu raqamlarnı ilân etip, biz hastalıqnıñ artqanını köremiz ve er saba sizge memlekette tayinlengen qaidelerge uymañıznı rica etemiz", - bildirdi nazir.
Stepanovnıñ malümatına köre, tünevin 19 365 koronavirus testi keçirildi.
Pandemiyanıñ başlanmasından berli Ukrainada 34 984 COVID-19 adusesi qayd etildi
