Bu yılnıñ ilk üç ayında Rusiye tarafından işğal etilgen Qırımda quvetçiler 49 kere qırımtatarlarnı yaqaladılar, dep haber ete Qırımtatar resurs merkezi.
Şu cümleden, 19 titnüv keçirilgen ve 54 tevqif olğan.
"54 adiseden, 17 yañı tevqiftir, 17 ükümdir, 1 ölüm ükmüdir, 33 memuriy tevqiftir, 15 sıñırlama tedbirniñ uzatılmasıdır", - dep añlatı QRS adliyecisi Tatyana Podvornâk.
Bundan ğayrı qırımtatarlarnıñ adaletli mahkeme aqqı bozulması ile bağlı 67 fakt qayd etildi.
Uquq qoruyıcılar, apiste bulunıp, tibbiy yardımğa ihtiyacı olğanlarğa kerekli yardım kösterimegeni içün eki siyasiy mabüs Cemil Gafarov ve Konstantin Şiring vefat etkenini ayrı diqqat ettiler.
QRM malümatına köre, Qırım sakinleri Rusiyede yasaq etilgen "Hizb ut-Tahrir", "İyegova şaatları" teşkilâtlarında iştirak etüv şübesi ile, Rusiye ordusına celp etivden qaçınuv, "terrorcılıqqa yardım etüv", "devlet hainligi" içün yaqlanğanlar.
Qırımtatar resurs merkeziniñ malümatına köre, Qırımnıñ işğali devrinde ğayıp olğan 21 aqqında alâ daa bir şey belli degil, olardan 15-i qırımtatardır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
