Rusiye kontrolindeki "Qırım suvu" şirketi yarımadanıñ 11 yıllıq işğalinden soñ Ukrayinanı suv ağlarınıñ eskirgeninde qabaatladı. TASS Rusiye devlet agentliginiñ bildirgenine köre, işhaneniñ beyanatı böyledir.
Qayd etilgenine köre, ağlar 1960-1980 seneleri qurulğan edi, olarnıñ eskirüv seviyesi ise Ukrayina akimiyeti tarafından kerekli maliye etilmegeni sebebinden yüksektir.
"Kommunal infrastruktura 1960-1980 seneleri faal inkişaf etkeninden sebep, ağ ve inşaatlarnıñ eskirüvi şimdi orta esapnen 40-95% teşkil ete", — dep bildirdiler müessisede.
Bundan evel "Qırım issilik kommunal energiyası" müessisesiniñ müdiri Dmıtro Prilipko yarımada territoriyasında issilik ağlarınıñ eskirgenini 70% teşkil etkenini tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
