Ukraina prezidentiniñ Qırım Muhtar Cumhuriyetindeki temsilciligi mayısnıñ 17-nde «Sürgünlik, kütleviy repressiyalar, suniy açlıq: XX ve XXI asırlarda totalitar rejimlerniñ siyaset aletleri» adlı tögerek masa ötkerilecek, dep ilân etti.
Bu tedbirde spiker olaraq iştirak etecekler:
Ukraina prezidentiniñ Qırım Muhtar Cumhuriyetindeki daimiy vekili Tamila Taşeva,
Qırımtatar Milliy Meclisiniñ reisi Refat Çubarov,
Qırımtatar Milliy Meclisiniñ azası, «Qırımtatar resurs merkeziniñ» idare reisi Eskender Bariyev,
Ukraina pedagogika ilimleri milliy akademiyasınıñ tasil idaresi universitetiniñ rektorı, Ukraina aliy tasil milliy ilimler akademiyasınıñ azası, felsefe doktorı, felsefe ve büyüklerniñ tasili kafedrasınıñ professorı Mıkola Kırıçenko,
Tarihiy ilimler doktorı, dotsent, Ğolodomor Tedqiqatlar institutınıñ müdiri Svetlana Markova,
Ğolodomor-genotsid Milliy müzeyiniñ Ğolodomor tedqiqatları İnstitutınıñ Ğolodomor-genotsid tarihiy tedqiqatları bölüginiñ üyken ilmiy hadimi Andriy İvanets.
Tögerek masa saat 13:00-da «Ukrinformnıñ» YouTube kanalında başlanacaq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
