Rusiyede Voronej vilâyetinde dron ücümi aqqında bildirdi. ASTRA telegram kanalı haber etkenine köre, Voronej vilâyetiniñ Rossoş şeerinde AO "Minudobreniya" zavodı ücümge oğradı – vilâyetniñ eñ büyük himik müessiselerinden biri.
Açıq malümatqa köre, zavodnıñ küçü patlayıcı maddelerde qullanılğan ammiak selitrasınıñ 550 biñden ziyadesini yapmağa imkân bere.
Vilâyetniñ valisi Aleksandr Güsev anbarda yanğın aqqında bildirdi – onı endi söndürgenler, müessiseniñ tehnologik inşaatları zarar kördi. İstisal esnası toqtadı. Müessise adı aytılmay.
Güsev yanğın neticesinde yaralanğan bir kişi aqqında haber etti.
Yerli akimiyetniñ malümatına köre, Voronej vilâyetinde gece 16 uçucısız zararsız alğa ketirildi.
Rusiyeniñ büyük istilâsı başlağan soñ Rusiyedeki çeşit obyektler avadan ücümge oğray. Eñ sıq 2024 ve 2025 seneleri ücüm nişanı cermay zavodları ola. Ukrayinanıñ işğal etilgen topraqlarında da Rusiye obyektleri ücümge oğray.
Ukrayina Silâlı quvetleriniñ Baş ştabı ücümlerniñ büyük qısmını tasdıqlap, Ukrayina Mudafaa quvetleri "Rusiye işğalci ordusınıñ cenk imkânlarını eksiltecek ve Rusiyeni Ukrayinağa qarşı silâlı istilâsını toqtatmasına mecbur etecek tedbirlerni muntazam sürette yapa", dep bildirgen edi.