Ukraina prezidenti Volodımır Zelenskıy, 2019 senesi oktâbrniñ 17 tarihlı "Ukraina prezidentiniñ Qırım MC-deki Temsilciliginiñ meseleleri" fermanına deñişmeler kirsetti. Kirsetilgen deñişmeler arasında – temsilcilikniñ hadimleriniñ sayısınıñ artması da bar.
Vesiqa devlet başınıñ saytında yayınlanğan.
Böylece, deñişmelerge köre, evel 35 ştat birlemi sayısında tasdıqlanğan temsilcilik hadimleriniñ azamiy sayısınıñ 45 raqamı ile deñiştirmek teklif etile.
Bu fermannıñ maddelerinden biri de "Qırım platforması"nıñ faaliyeti ile alâqalı temsilcilikniñ vazifeleri ile ilâve etilgen: "muvaqqat işğal etilgen topraqnıñ işğalden azat etilmesi ve reintegratsiyası ile bağlı strategik programma vesiqalarnıñ azırlanması, işğal neticesinde bozulğan insan ve vatandaş aq ve azatlıqlarnıñ ğayrıdan tiklenilüvi, "Qırım platforması"nıñ faaliyeti çerçivesinde leyhalarnıñ ve tedbirlerniñ ömürge keçirilmesi içün ekspert, mesleat, malümat ve diger desteklerniñ kösterilmesi, keçüv adliye kontseptsiyası ile bağlı teklifler azırlanması, muvafıq mevzularda muşavereler ve körüşüvler keçirilmesi.
2014 senesi Qırım Rusiye tarafından işğal etilgen soñ Hersonda Ukraina prezidentiniñ Qırım MC-deki Temsilciligi, Kyivde Qırım MC ve aqyar şeeri Prokuratruası işler başaldı.
