Ukrayina prezidenti Volodımır Zelenskıy avgustnıñ 7-nde aqşam, Rusiye Ukrayinanıñ işğal etilgen topraqlarında sahte referendumlar keçirip başlasa muzakereler içün ert angi fırstalarnı ğayıp etecegini bildirdi.
Aynı zamanda onıñ tüşüngenine köre, "vaqıt kelgende Rusiye tarafına muzakereler mıtlaqa kerek olacaqlar".
Rusiyeniñ Ukrayinağa qarşı büyük istilâsı başlanğandan berli Rusiye ve Ukrayina akimiyeti arasında arbiy areketelrnñ toqtatıluvı ile bağlı bir qaç muzakereler keçken. Muzakerelerniñ episi neticesiz tamamlanğan. Soñki böyle körüşüv martnıñ soñunda İstanbulda keçken edi.
Fevralniñ soñundan Rusiye aman-aman bütün Lugansk vilâyetini, Donetsk, Herson ve Zaporijjâ vilâyetleriniñ qısımlarnı işğal etti. Şu topraqlarda tayin etilgen işğalci akimiyet referendum keçirmege planlaştıra.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
