Ukraina prezidenti Volodımır Zelenskıy, fevralnıñ 26-nda, cuma künü, Qırımnıñ işğalden azat etilüvi ve reintegratsiyası içün yapılğan tedbirler aqqında ferman imzaladı. Bu aqta o, Qırımnıñ Rusiye işğaline qarşı tirenüv kününe bağışlanğan çıqışında bildirdi.
"Bugün Qırım yarımadasınıñ işğalden azat etilmesi ve reintegratsiyası içün yapılğan mahsus tedbirler aqqında ferman imzaladım. Şu cümleden, ükümetke "Qırım platforması"nı ve bundan ğayrı qırımtatar tiliniñ, medeniyetiniñ inkişafı ve desteklenmesi ve vaqtınca işğal etilgen Qırımda yaşağanlarnıñ aqlarınıñ qorunması içün tedbirlerni teşkil etmek ve areketke ketirmek buyurulğan", – dedi o.
Ukraina prezidentiniñ resmiy sayytında ferman şimdilik daa yayınlanmağan.
Evel, Ukraina TİN birinci muavini Emine Ceppar, nazirlik Qırım MC Ukraian prezidentiniñ Daimits temsilciligi ile beraberlikte Ukraina Milily tekelüsizlik vu mudafaa şurasınıñ baqıluvına Qırımnı işğalden azat etüv strategiyasını yolladı, dep haber etken edi.
Fevralniñ 26-nda cemaatçılıqnıñ teşebbüsi ile «Qırımnıñ Rusiye işğaline qarşı tirenüv künü» qayd etile. 2014 senesi fevralniñ 26-nda Qırım Muhtar Cumhuriyetiniñ Yuqarı Şurası ögünde Ukraina topraq bütünligine qoltutuv mitingi olıp keçken edi. Miting iştirakçilerine qarşı Rusiye tarafdarları, hususan «Rus birligi» firqası çıqtı.
