İlhaq etilgen Qırımda ukrain faalci Volodımır Baluh mefa aqqında ariza yazmağa niyeti yoq. Bu aqta yanvar 28-inde Qırım.Aqiqatqa qırımtatar Milliy Meclisniñ reis muavini Ahtem Çiygöz.
“Baluh, Rusiyede adalet olmağanını añlay ve onıñ boşatılması red etilgeni de onı şaşırtmadı. O öz qabaatını tanımay. Rusiyeniñ Cinaet -Usul Kodeksine köre, üküm etilgen insan öz qabaatını tanıp, meza aqqında ariza yazmalı. Mefa aqqında ve “şartli tevfiq” aqqında o muracaat etmeycek. Öz apis müddetini o soñuna qadar türmede keçirecek”, - dedi Çiygöz.
Bundan evel Kreml nezaretindeki Qırım Yuqarı mahkemesi 5 yılğa mahküm etilgen Vladimir Baluhnıñ ükmüni qısmen yımşatıp, onı 4 yıl ve 11 ay umumiy rejim koloniyasında qalmasına ve 10 biñ ruble (tahminen 4 biñ ğrıvnâ) para cezasını ödemesine üküm etti. Faal eki cinaiy iş boyunca tevqif etildi.
Baluh, 2018 senesi martnıñ 19-ında ilân etken müddetsiz açlıqnı devam etmekte. Mabüsnıñ bir ay iç aş aşamağanından soñ, Qırım arhiyepiskopı Kliment, onı iç olmadan 2 stakan cılap kiseli, 50-70 gramm qara ötmek peksimeti ve ballı çaynı içmege qandırdı, böylece onıñ ölmemege küçü yetecek.
Daa evel Baluhnıñ açlıqnı vaqtınca toqtatmaq qararı aqqında belli olğan edi. Advokat Dmitriy Dinzeniñ aytqanına köre, Baluh 200 kün açlıq tutqan soñ ülser ve pankreatit şübesi bar.
FSB Vladimir Baluhnı 2016 senesi dekabrniñ 8-nde tuttı. FSB hadimleri Vladimir Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.
«Memorial» insan aqlarını qorçalav merkezi Sentsov ve Kolçenkonı siyasiy mabüsler cedveline kirsetti.
