Rusiye prezidenti Vladimir Putin ukrain ve rus halqlarınıñ «birligi» aqqında ilân etken bir maqale yazdı. Bazarertesi künü maqale Kremlniñ resmiy saytında yayınladın, dep haber ete Azatlıq Radiosı.
Rusiye devlet başı maqaleniñ yazılmasını yaqınlarda "Prâmaya liniya" vaqtında qısqadan bildirgen mevamını daa tafsilâtlı añlamtmaq kerekligi ile añlattı: o zaman, Rusiye-Ukraina munasebetelri aqqındaki sualgen cevap berip, Putin ukrainler ve ruslar bu bir halqtır, dep ayttı.
Rusiye prezidenti derc etilgen maqalesiniñ ekseriyetinde delil olaraq mektep programmasındaki menbalarğa atfı ete, misal olaraq, "Povest vremennıh let". Onıñ sözlerine köre, keçken asırnıñ ortasında, "Ukraina" sözü "okraina" manasında qullana edi, Kyiv, Dnipronıñ solu, Poltva, Çerginov ve Zoporijjâ "Malorossiya" edi. Osmanlı devletinen cenkten soñ ise Rusiye terkibine Qırım ve Qara deñiz yanı kirdi ve adı "Novorossiya" oldı.
Putin, Moskvanıñ tesirinden çıqarmaq içün nevbetteki ıntıluvlarnı Ğarp tarafından tış tazyıqnen añlattı. Onıñ fikrince, Ğarp "daima bizim birliigmizni yoq etmge" tırışqan. Maqalede Putin, bugünki Ukraina "bütünley tıştan idare etilgenini" bildirdi. Ve bundan sebep Ukraina "Avropanıñ eñ fuqare memleketine" çevirilgen.
