Rusiye prezidenti Vladimir Putin meşur "Bayraktar" pilotsız uçaqlarınıñ istisalcısı olğan Türkiyeniñ Baykar şirketi ile işbirlik etip başlamağa tırışa. Bunı Türkiye prezidenti Recep Tayyip Erdoğan "Adalet ve inkişaf fırqasınıñ" toplaşuvında bildirdi, dep haber ete CNN Turk.
"Putin maña Baykar şirketi ile işbirlik etip başlamağa istegenini dedi. O, Birleşken Arap Esirliklerinde kibi Rusiyede de zavod qurmağa teklif etti", - dedi Erdoğan.
Avgustnıñ 5-nde Türkiye prezidenti Rusiye devlet başı ile Soçide körüşecek ola. Haber vastaları taraflar pilotsız uçaqlar mevzusında işbirlikni muzakere eteceklerini tahmin eteler.
Evel Baykar şirketiniñ baş müdiri Halük Bayraktar CNN-ge şirketniñ Rusiyege pilotsız uçaqlar satmaq niyetinde olmağanını bildirgen edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
