Link açıqlığı

Saatnıñ esas haberi

Rusiyede Liberal-demokratik firqanıñ lideri Vladimir Jirinovskiy vefat etti


Vladimir Jirinovskiy
Vladimir Jirinovskiy

Rusiye Devlet Dumasınıñ spikeri Vâçeslav Volodin Rusiye liberal-demokratik firqasınıñ lideri Vladimir Jirinovskiyniñ vefatı aqqında bildirdi.

«Ağır ve devamlı hastalıqtan soñ Vladimir Volfoviç Jirinovskiy vefat etti», – dep yazdı Volodin Telegram-kanalında.

Martnıñ 25-nde Jirinovskiyniñ vefatı aqqında Rusiye senatorı Aleksandr Pronuşkin bildirdi, lâkin Rusiye Devlet Dumasınıñ spikeri Vâçeslav Volodin bunı red etti.

Yanvarniñ soñunda Vladimir Jirinovskiy koronavirusqa oğradı, amma diagnozını soñuna qadar gizledi, çünki aşı tarafdarları arasında kerekmegen şübheler ola bile, dep tüşündi.

Jirinovskiy Ukrainağa qarşı fikirlerinen bellidir. «Rossiya-24» telekanalında «Vladimir Solovyev ile aqşam» programmasında o, ukrainalılar «Avropa çöplügi», «coyulması kerek olğan Avropa kübresidir», dep aytqan edi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net/. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG