Salı künü, noyabr 19-ında Londonda tarihiy Haygeyt (Highgate) mezarlığında sabıq sovet siyasiy mabüsi, dissident, piblitsist ve yazıcı Vladimir Bukovskiyni defn ettiler. O, 2019 senesi oktâbr 27-sinde Cambrigede vefat etti, dep bildire Azatlıq Radiosı.
Cenaze merasiminden evel pravoslav diniy hızmeti keçirildi - bu, tuvğanlarınıñ istegi edi.
Tabutnıñ artından "Birdemlik" leh areketiniñ bayrağını Poloniya delegatsiyası alıp kete edi. Onıñ vekili, Poloniya baş naziri, Mateuş Moravetskiyniñ veda nutqunı oqudı. Bundan ğayrı, Varşava universitetiniñ hadimi çıqışta bulundı. Bukovskiyniñ kitapları Poloniyada kommunizm ükmü devrinde samizdatta (öz başına neşir etüv) bastırılğan edi.
Veda nutuqlarınen, sovet lagerleriniñ mabüsi Mustafa Cemilev, çeçen icretçisi, general Ahmed Zakayev, Belorus muhalefetniñ temsilcileri ve sabıq dissidentler, Moldova ve Romaniya birleşmeleriniñ vekilleri, Britaniya universitetleriniñ ve Londonda sovet muacirliginiñ vekilleri çıqışta bulundı, dep bildire Halqara Frenkistan Radiosı.
