"VKontakte" Rusiye içtimaiy ağı RF Prokuraturasınıñ talabı ile qırımlı faallerniñ saifelerini blok etip başladı. Bunı "Azat Qırım" cemaat teşkilâtınıñ tesisçisi Oleksiy Yefremov bildirdi.
Faal, böyle etip Rusiye qanun qoruyıcıları oña qarşı çoq sayılı çaqmalarğa cevap bergenlerini saya.
"Yañı afta qaveden başlamadı. Asla şaşmadım. Bir buçuq yıl devamında çaqıcılar ve diger kiçik aramlar meni sustırmağa tırışa ediler, şu cümleden bizim biñlernen insan olğan saifelerimizde. Bunı añlap, doquz ay devamında saifelerimizni "Telegram"da alıp baramız. Böylece qısmen "Vkontakte" içtimai ağından boşadıq", - dep bildirdi Qırım.Aqiqatqa Yevremov.
Onıñ fikrince, endiden başlap Rusiye prokuraturası "işançlı olmağan" qırımlılarnıñ "VKontakte" ağındaki saifeleriniñ bloklanması tecribesini inkişaf ettirecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
