Rusiyeniñ "Vkontakte" içtimaiy ağı Qırımdan Rusiye tarafdarı olğan bloger Aleksandr Talipovnıñ "aqaretlev" içün ''Krımskiy Smerş'' saifesini blok etti.
Bu aqta Talipov özü öz telegram kanalında bildirdi ve içtimaiy ağnı "liberal çöplük" dep adlandırdı ve öz abunecilerini Roskomnadzor ve RF Prokuraturasına şikâyet etmege çağırdı.
''Krımskiy Smerş'' cemiyetinde Talipov Ukrayinağa qoltutqan Qırım sakinleriniñ şahsiy malümatlarını derc etti. Böyle şikâyetlerniñ neticesinde olarnı tutıp, memuriy ve cinaiy mesüliyetke çekeler.
Keçken sene dekabrniñ başında Talipov Ukrayina tarafdarları aqqında malümat derc etilgen öz kanalına kirişni ğayıp etti, dep bildirdi. Talipovnıñ özü şahsiy telegram kanalında.
Noyabrniñ ortasında Qırım Muhtar Cumhuriyeti ve Aqyar prokuraturası, Ukrayinağa qarşı cenkte Rusiye Federatsiyası ordusına yardım etkeninde qabaatlanğan Talipovnıñ işini mahkemege yolladı. Bundan da ğayrı, ukrayin prokuraturası Talipovğa qarşı "Milliy zıddiyet ve nefret doğurması" maddesine istinaden cinaiy işni başladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
