Link açıqlığı

Saatnıñ esas haberi

Vitaliy Portnikov: Reineler yarımadası


Qırım Muhtar Cumhuriyeti ait olğan memleketniñ bayrağını asqanı içün apiske alınğan Ukraina vatanperverleri, tamır halqnıñ aqlarını qorçalağanı içün taqip etilgen qırımtatar faallerine Ukraina deñizcileri de qoşuldı. Olarnı Rusiye qanunları, Rusiye ile Ukrainanıñ añlaşmaları ve halqara deñiz uquqında olmağan devlet sıñırlarını bozğanında qabaatlaylar.

Bu insanlar – adiy mahkümler degil. Olar qanunğa uyğun olğanını ancaq Qırım apishanelerinde insanlarnı toplap isbatlamağa tırışqan işğalci rejimniñ reineleri ola. Başqaca olması mümkün degil – işğalci kim olğanını yahşı bile, tanılmağan ilhaqtan soñ kün-künden onıñ açuvı arta, mında – qarada ve deñizde – saip olğanını köstermek arzusı arta. Manasız küçni köstermekten ve basqı quvetleştirmekten başqa çaresi yoq, bunı daa nasıl isbatlay bile?

Qırım Perekopta nezaretçi ve qaravul köpekler yerine Qara deñiz flotunıñ gemileri ile büyük bir apishanege çevirildi

Amma, biraz tüşünsek, tek mahkümlermi reine ola? Qırım ealisi – siyasiy baqışlarına baqmadan – işğalcilerniñ reinesi degilmi? Tünevin içtimaiy ağlarda yazılğanlarğa, bugün qırımlılarnıñ Ukraina pasportlarına diqqat eteler, yarın ise arbiy bazağa ilâve olaraq alğan ve alâ daa işanmağan ve iç bir vaqıt işanmaycaq, çünki uzun vaqıt Putinnen degil, serbest memlekette yaşağan «ekinci sınıf vatandaşları» açuvınıñ ögüni almaq içün nege «diqqat etecekler»?

İlhaqnıñ eñ faal iştirakçileri – reine degilmi? İzolâtor ve apishanelerde habarcılıqta qabaatlanğan Qırım memurları azmı? Olar hainlik qalğan ömürlerinde günâhlarını afu ettirecek, dep tüşündiler, amma yabancınıñ habarcılığında olar tahqiqatçıdan ğayrı, kimsege kerekmey eken. Qırımnıñ şimdiki sevimlileri de öyle: bugün – ekranda, yarın – Sibir koloniyasında, çünki adiy bir qaravul saibinden Qırımnı istemesi mümkün.

Qırım Perekopta nezaretçi ve qaravul köpekler yerine Qara deñiz flotunıñ gemileri ile büyük bir apishanege çevirildi. Reineler yarımadası oldı.

«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

Vitaliy Portnikov, Kyiv jurnalisti, Qırım.Aqiqat közeticisi​

XS
SM
MD
LG