Mahsus Qırım.Aqiqat içün
Dünyanıñ çoqusı memleketlerinde ilân etilgen karantinni degil de, «uzun tatilni» ilân etken Rusiye prezidentiniñ televizion muracaatından soñ işğal etilgen Qırım sakinleriniñ – qomşu Rusiyeniñ kurort sakinleri kibi – Kreml siyasetiniñ qurbanı ola bilecekleri belli oldı. Ve mında birden Putinniñ kerçekke belli yanaşuvı is etildi.
Çünki vatandaşları içün sert karantin ilân etken ve sakinleri evde qalsın dep ceza berilüvini talap etken memleketler bar. Kiçik tedbirlernen sıñırlanğan, amma işlerni saqlap qalğan memleketler de bar. Ğaliba, Vladimir Putin karantin yerine bayram yapacaq olğan zemaneviy dünyanıñ az avtoritar ükümdarlarından biri oldı. Ve şimdi kerçekke daa yaqın olğan ve qırğınlıq olacağından qorqqan regional reberler Rusiye prezidentiniñ hatalarını tüzetmege mecbur.
Keriç köprü qırımlılar içün «ölüm yoluna» çevirile. Putin, rusiyelilerniñ başqalarınıñ toprağında yuqunç tarqatmasına yardım ete
Amma biñlernen rusiyeli «uzun tatilni» tolusınen qullanmağa istedi – Bali ya da Phuketke barmağa çare olmağan soñ. Yalta, Sudaq ya da Aqmescit sakinleri ise böyle aqılsızlıqnıñ reineleri oldı. Çünki Rusiyede iç uçaq seferleri devam ete. Qırım uçaqları ise – ilhaqnıñ birinci kününden berli qanunsız olsa da – Rusiye iç seferleriniñ bir qısmı ola. Meşur Keriç köprüni endi aytmayım, bu künleri o, qırımlılar içün on biñlernen rusiyeli Qırımğa ketken «ölüm yoluna» çevirile. Olardan qaç kişi yuqunçnen keldi?
Eminim ki, Rusiye işğalci akimiyetiniñ siyaseti işğal altındaki topraqta, halqara uquq ceetinden Rusiyeniñ bir qısmı olmağan topraqta qırğınlıq tarqaluvına yardım ete. Rusiye prezidenti semetdeşlerine telüke aqqında doğrusını aytmay, bu bir, daa beteri şu ki, Kreml, körgenimiz kibi, rusiyelilerniñ başqalarınıñ toprağında yuqunç tarqatmasına yardım ete.
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.