Litvaniya Mudafaa nazirliginiñ bildirgenine köre, müessise tarafından NASAMS zenit-raketa kompleksi içün berilgen donatmalar artıq Ukrayinadadır.
Litvaniya Mudafaa nazirligi Twitterde ekipaj içün yolsuzlıq maşnaları ve NASAMS içün kerekli donatmalar Ukrayinağa ketirilgenini bildirdi.
"Ortaqımız Norveçke yardım içün minnetdarmız", - dep qoştılar müessisede.
Oktâbr ayında Litvaniya Ukrayinağa NASAMS. içün donatmalar berecegini ilân etken edi.
Daa evel Vilnüs Ukrayinağa generatorlar ve dron ile küreş vastalarını bergenini bildirgen edi.
Bu yardım paketleri aqqında Litvaniya Mudafaa naziri Arvidas Anuşauskasnıñ Ukrayiağa ziyaret vaqtında belli oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
