Alman şeeri | «Elifbe» video dersleri (video)

Leyhanıñ nevbetteki yayınında nemselerniñ Hannover şeerindeki seyahat aqqında söz yürsetile. Hannoverniñ vizit kartlarından biri – eykeller. Bu şeerde olarğa iç de beklenilmegen ve alışılmağan yerlerde rast kelmek mümkün. Ondan ğayrı, Hannoverde raat soqaçıqlar tolu, ve o, onda doğğan parlaq insanlar ile meşur. Belli bir vaqıtta Hannoverde G. Hendel, II Georg, G. Leybnits, T. Lessing ve diger insanlar yaşadı ve çalıştı. Zemaneviy yaşlar arasında Hannover, dünyaca belli «Scorpions» rok-taqımınıñ icadiy yolunı başlağan şeeri olaraq belli. «Elifbe» – Qırım.Aqiqatnıñ qırımtatar tilini ögrenme leyhası. Elifbe – arap tilinden kelgen söz olıp, bütün ariflerniñ belli bir sıra ile tizilmesi manasına kele.