Link açıqlığı

Saatnıñ esas haberi

Açıq kök tübünde pyesa: Zaporojyede Sentsovğa qol tutuv tedbirni keçirdiler (video)


Açıq kök tübünde pyesa: Zaporojyede Sentsovğa qol tutuv tedbirni keçirdiler (video)
Bekleñiz, lütfen
Embed

No media source currently available

0:00 0:01:32 0:00

Zaporojyede «Zaporojyeniñ yañı draması» eksperimental teatriniñ iştirakçileri ve Amnesty International faaliyetçileri Oleg Sentsovğa qol tutuv tedbirni teşkil ettiler. Tedbirniñ iştirakçileri açıq kök tübünde, Rusiye dramaturgı Yelena Greminanıñ Oleg Sentsov, Gennadiy Afanasyev ve Aleksandr Kolçenkoniñ mahkeme protsessine bağışlanğan «Söz kesüv» pyesasınıñ oqulmasını keçirdiler. Ondan ğayrı, tedbir iştirakçileri Oleg Sentsovğa qol tutuv mektüplerini yazdı. Mektüpler Sentsovğa Amnesty International vastasınen berilecekler. Mayıs 16-da, Sentsovnıñ, Rusiye apishanelerinde bulunğan bütün Ukraina siyasiy mabüslerni azat etmek talabınen muddetsiz açlıq ilân etkeni belli oldı. Sentsov ve Kolçenko Rusiye mahsus hizmetleriniñ vekilleri tarafından Qırımda 2014 senesiniñ mayısında, yarımadada terroristik aktlar azırlağanlarında qabaatlanıp, yaqalandılar. 2015 senesiniñ ağustosında Rostov-na-Donu şeerindeki Şimaliy Kavkaz okrugınıñ arbiy mahkemesi Sentsovnı, Qırım territoriyasındaki terroristik faaliyette qabaatlap, sert rejimli koloniyada 20 yılğa mahküm etti. Kolçenkoğa 10 yıl koloniya berildi. Ekisi de qabaatlarını tanımadı. Ukrainanıñ LetMyPeopleGo insan aqlarını qorçalav teşebbüsiniñ malümatına köre, şimdi Rusiyede 64 Ukraina vatandaşı siyasiy motivler boyunca apishanelerde tutula.

XS
SM
MD
LG