Bekir Çoban-zadeniñ doğğanına 125 yıl | Tuğra (video)
125 yıl evel, mayıs 27-de qırımtatar edebiyatınıñ klassigi, dünyaca belli türkolog alim Bekir Çoban-zade doğdı. Bu körümli qırımtatar birden bir qaç saada şaşırğan yüksekliklerge irişti. O, tanılğan alim, tilşınas, edebiyatşınas ve şair sayıla. Bekir Çoban-zadeniñ parlaq bir karyerası eñ yüksek noqtada toqtatıldı –Bekir qırq dört yaşında qurşunğa tizildi. 1937 senesinde Baku universitetiniñ professorı, Azerbaycan İlimler akademiyasınıñ hadimi olğan Bekir Çoban-zade milletçi teşkilâtlarda iştirak etkeni içün tevqif etildi. Mahkemesi 20 daqqa devam etti ve Bekirni qurşun cezasına mahküm ettiler. Aradan yigirmi yıl keçken soñ o, aqlandı.