Link açıqlığı

Saatnıñ esas haberi

Doğmuş qorçalavı. «Qırım birdemligi» aqqında ikâye (video)


Doğmuş qorçalavı. «Qırım birdemligi» aqqında ikâye (video)
Bekleñiz, lütfen
Embed

No media source currently available

0:00 0:02:46 0:00

«Qırım birdemligi» vatandaşlar birleşmesi 2016 senesiniñ aprelinde advokatlar, faaliyetçiler ve Qırım Rusiye tarafından ilhaq etilgen soñ tevqif etilgen, alıp qaçılğan ve öldürilgenlerniñ doğmuşlarını birleştirmek maqsadınen peyda oldı. Kimerde bir içtimaiy vatandaş işiniñ bir qısmını ğayıp olğanlarnıñ ana-babaları ve tevqif etilgenlerniñ balaları üstüne ala. Birleşmeniñ koordinatorı Dilâver Memetov, babası tevqif etilgende Qırım aliy oquv yurtlarından birinde himiya fakultetiniñ magistraturasını bitirmek üzre olıp, aspiranturağa kirmekni planlaştıra edi. Yañı bir tevqifler ve tintüvler «dalğası» keçken soñ o, ilmiy faaliyetni vaqtınca toqtattı ve aq-uquq qorçalavı ile oğraşmağa başladı. Gülsüm Aliyeva – «Yaltadaki Hizb ut-Tahrir işi» denilgen mahkeme işniñ altı figurantlarından biriniñ qızı ola. Abdureşit Cepparov – 2014 senesi sentâbr 27-de Qarasuvbazarda ğayıp olğan İslâm Cepparov ve Cevdet İslâmovnıñ babası ve dayısı (ya da eniştesi) ola. «Hizb ut-Tahrir» halqara siyasiy İslâm teşkilâtınıñ vekilleri öz vazifesini, bütün musulman devletleriniñ bir İslam hilâfeti içinde birleştirilmesi, dep köstereler. Lâkin olar buña irişmek içün terroristik usullarnıñ qullanılmasını red ete ve Rusiyede aqsız yerde taqip etilgenlerini aytalar. Rusiyeniñ Yuqarı mahkemesi «Hizb ut-Tahrir»ni, terrorizmge alâqası olğanında qabaatlap, yasaq etti. Aq-uquq qorçalayıcıları «Hizb ut-Tahrir işi» boyunca tevqif ve mahküm etilgenlerni siyasiy mabüsler, ve olarnıñ taqip etilmesini, diniy alâmetke köre yapıla, dep sayalar.

XS
SM
MD
LG