Evge kirmege aqqı olmadan dört yıl. Mustafa Cemilevge Qırımnıñ ziyaret etilmesi nasıl yasaq etildi (video)

2014 senesi mayıs 3-te Rusiyeniñ mahsus hizmetleri qırımtatarlarnıñ milliy lideri Mustafa Cemilevge ilhaq etilgen Qırımğa kirmekni yasaq ettiler. Onıñ aytqanına köre, o künü qırımtatarlar milliy bayramları olğan Hıdırlez şeñliklerini yapacaq ediler. Olarnı lâğu etmek mecbul oldılar. Bu qarşılavnıñ neticesinde Cemilevni qarşılap almağa kelgen faaliyetçilerge qarşı işler açıldı. Bunıñ artından mahkemeler olıp, cöremeler tayin etildi. Mustafa Cemilev Rusiye Federal migratsiya hizmetine qarşı, Qırımğa kirimesini yasaq etkeni içün dava açtı. Şimdi bu iş boyunca davalar Moskvanıñ mahkemelerinde baqıla.