Link açıqlığı

Saatnıñ esas haberi

Bir qoranta – eki siyasiy mabüs. Bekir Degermenciniñ tarihı (video)


Bir qoranta – eki siyasiy mabüs. Bekir Degermenciniñ tarihı (video)
Bekleñiz, lütfen

No media source currently available

0:00 0:06:23 0:00

Rusiye telükesizlik hadimleri Bekir Degermenciniñ oğlu – Mustafa Degermencini 2015 senesi aprelinde yaqaladı. Onı, 2014 senesi fevral 26-da Qırım Yuqarı Radasınıñ binası yanında Ukrainanıñ topraq bütünligine qol tutmaq maqsadınen yapılğan mitingde iştirak etkeninde qabaatladılar. Oğlu tevqif etilgen soñ Bekir Degermenci onı qorçalamaq içün qolundan ne kelse, er şeyni yaptı: defalarca Avropa Parlamenti ve Avropada Telükesizlik ve emekdaşlıq teşkilâtınıñ oturışuvlarında iştirak etti, Kyivde matbuat konferentsiyalar ve türlü KHVlerge pek çoq intervyü berdi. Aq-uquq qorçalayıcıları ve ömür arqadaşı onıñ tamam bu faalligi ile Rusiye telükesizlik hadimleriniñ diqqatını çekkeninden eminler. Degermencilerniñ büyügini 2017 senesi noyabr 23-te Aqmescitte yaqaladılar. O, ve daa bir qaç adam aqsız yerde para talap etüv işi boyunca davada qabaatlanğanlar sıfatında iştirak eteler. Mahsus operatsiya kününde qırımtatar milliy areketiniñ veteranı, 83 yaşlı Veciye Kaşka vefat etti. Bekir Degermenci pensiyada, o – astmatik, 3-nci gruppa saqatı. Tevqiften üç afta keçken soñ sağlığınıñ vaziyeti fenalaştı – onı pek ağır vaziyette Aqmescit hastahanelerinden birisiniñ reanimatsiya bölügine alıp kettiler. O, üç kün komada bulundı. Faaliyetçiler «Veciye Kaşka işi» figurantlarınıñ tevqifini, siyasiy sebepten yapılğan ve olarnıñ faaliyeti ile bağlı dep sayalar – olar dörtü de Rusiyeniñ mahsus hizmetleri ve telükesizlik hadimleri tarafından taqip etilgen yurtdaşlarına faal surette yardım ete ediler. Ayşe Umerova, şimdi eki siyasiy mabüs olğan Degermenciler ailesi aqqında Qırım.Aqiqattaki «Siyasiy mabüsniñ tarihı» video blogunda ikâye ete.

XS
SM
MD
LG