Link açıqlığı

Saatnıñ esas haberi

«Yanğı kemikke qadar barıp yetti» – «Hizb ut-Tahrir işi» figurantınıñ apayı aqayınıñ sağlığı aqqında (video)


«Yanğı kemikke qadar barıp yetti» – «Hizb ut-Tahrir işi» figurantınıñ apayı aqayınıñ sağlığı aqqında (video)
Bekleñiz, lütfen

No media source currently available

0:00 0:02:44 0:00

Kremlniñ kontroli altında olğan Qırım Yuqarı mahkemesindeki oturışuv esnasında Aqmescitteki «Hizb ut-Tahrir işi» figurantı Uzeir Abdullayev sağlıq vaziyetine ve tahqiqat izolâtorında oña yardımnıñ kösterilmegenine şikâyet etti. Bunı Qırım.Aqiqat içün bergen izaatlarında muhakeme etilgenniñ apayı Fera Abdullayeva ve advokatı Sergey Legostov ikâye ettiler. Qararnen bir ay evel Abdullayevni tahqiqat izolâtorından Aqmescitniñ 6-ncı şeer hastahanesine alıp bardılar. Anda onıñ qolundan irinli şişikni alıp taşladılar. Uzeir Abdullayevniñ advokatı ve apayı yaqın vaqıtta Cezalarnı içra etüv federal hizmetiniñ idaresi (UFSİN), tahqiqat izolârorı (SİZO), prokuratura ve FSBge, tsivil hastahanede uyğun tibbiy yardımnıñ kösterilmesi temin etilsin ve qabaatlanğanğa diagnozı bildirilsin dep, bir sıra arizalar berecekler. «Hizb ut-Tahrir» halqara siyasiy İslâm teşkilâtınıñ vekilleri öz vazifesini, bütün musulman devletleriniñ bir İslam hilâfeti içinde birleştirilmesinde köreler. Lâkin olar buña irişmek içün terroristik usullarnıñ qullanılmasını red ete ve Rusiyede aqsız yerde taqip etilgenlerini aytalar. Rusiyeniñ Yuqarı mahkemesi 2003 senesinde «Hizb ut-Tahrir»ni yasaq etip, «terroristik» tanılğan 15 birleşmeniñ cedveline kirsetti. Aq-uquq qorçalayıcıları «Hizb ut-Tahrir işi» boyunca tevqif ve mahküm etilgen Qırım sakinleriniñ özlerini siyasiy mabüsler, ve olarnıñ taqip etilmesini, diniy alâmetke köre yapıla, dep sayalar.

XS
SM
MD
LG