«Eh, almaçıq»: Aqyarda «Gençler ordusı» bölüginiñ toplaşuvını keçirdiler (video)

Aqyarda Rusiye Mudafaa nazirligine bağlı «Gençler ordusı»nıñ («Yunarmiya») ekinci regional toplaşuvı keçirildi. Toplaşuvda iştirak etmeleri içün üyken sınıflar talebelerini topladılar. Arbiy uniforma kiygen balalar qol uruşı sanatlarını kösterdiler. Tedbirniñ diger iştirakçileri «Qartal balaları uçmaqnı ögrene» («Orlâta uçatsa letat») sovet yırını ve ondan ğayrı «Eh, almaçıq» («Eh, yabloçko») oyunını icra ettiler. Tedbirde Kremlniñ kontroli altında olğan şeer rehberleri çıqışta bulundı. Umum Rusiye veteranlar teşkilâtınıñ rehberleri, mahsus «Gençler ordusı» azaları içün medaller tesis etkenlerini bildirdiler.