Link açıqlığı

Saatnıñ esas haberi

Abdureşit Cepparov. Aq-uquq qorçalayıcısı, ğayıp olğanlarnıñ babası ve dayısı (video)


Abdureşit Cepparov. Aq-uquq qorçalayıcısı, ğayıp olğanlarnıñ babası ve dayısı (video)
Bekleñiz, lütfen

No media source currently available

0:00 0:04:11 0:00

İslâm Cepparov ve Cevdet İslâmov Qarasuvbazarda 2014 senesi sentâbr 27-de ğayıp oldılar. Şaatnıñ aytqanına köre, yigitler yanında Volkswagen Transporter avtomobili toqtadı. Bir qaç tanış olmağan kişi olarnı iteklep maşinağa kirsetti ve yoq olıp kettiler. İslâmnen Cevdet soylarına musafirlikke kete ediler. Olar doğmuş qardaş balaları, aq-uquq qorçalayıcısı Abdureşit Cepparovnıñ oğlu ve yegeni. Abdureşit Cepparov qırımtatar milliy areketiniñ faaliyetçisi, adliyeci ve aq-uquq qorçalayıcısı, evelden Qırımtatar Milliy Meclisiniñ azası edi. Aqrabalarınıñ alıp qaçılması vaqtında o, faal areketlerde iştirak etmey edi. Olıp keçkeninden soñ tekrar işke qoyuldı. Şimdi o, tevqif etilgenlerniñ qorantaları ve habersiz ğayıp olğanlarnıñ aqrabaları ile kompleksli şekilde çalışa. İlhaq etilgen Qırımda alıp qaçılğan ve tevqif etilgenlerniñ yaqın aqrabaları nasıl etip faaliyetçi ola – bu hususta Qırım.Aqiqatnıñ «Qandaş qorçalayıcıları»-https://ru.krymr.com/a/crimean-defenders/29145368.html materialında oquñız. «Qırım birdemligi» vatandaşlar birleşmesi 2016 senesiniñ aprelinde, yarımadanıñ RF tarafından ilhaq etilmesi anından başlap tevqif etilgen, alıp qaçılğan ve öldürilgenlerniñ bütün aqrabaları, advokatlar ve faaliyetçilerni birleştirmek maqsadınen meydanğa ketirildi. Lâkin kimerde bir içtimaiy vatandaş işniñ bir qısmını ğayıp etkenlerniñ ana-babaları ve tevqif etilgenlerniñ balaları öz üstüne alalar.

XS
SM
MD
LG