Link açıqlığı

Saatnıñ esas haberi

Tahqiqat izolâtorında eki ay: Herson mahkemesi Kezlevdeki Rusiye şeer şurasınıñ deputatını tevqif etti (video)


Tahqiqat izolâtorında eki ay: Herson mahkemesi Kezlevdeki Rusiye şeer şurasınıñ deputatını tevqif etti (video)
Bekleñiz, lütfen
Embed

No media source currently available

0:00 0:03:17 0:00

Aprel 5-te aqşam Herson şeer mahkemesi Kezlevde yaşağan Rusiye deputatı Sergey Osmininni eki ayğa tevqif etti. O, parmaqlıqlar artında iyün 1-ge qadar qalacaq. İyün 1 künü de bu muddet içine kire. Aprel 3-te Ukraina Telükesizlik hizmetiniñ hadimleri Rusiyeniñ kontroli altında olğan Kezlev şeer şurasınıñ deputatını yarımadanıñ ilhaqına alâqadar olğanı şübhesi ile yaqaladılar. Mahsus hizmette, Kezlev şeer şurasınıñ sabıq deputatı 2014 senesiniñ martında sözde «Qırımnıñ özüni mudafaa»sınıñ faaliyetinde iştirak etip, «devlet ukümeti ve Ukrainanıñ yerli öz-özüni idare etüv organları bulunğan mimariy binalarnıñ zapt etilmesinde faal iştirak etti», dep iddia eteler. Mahsus hizmetniñ malümatına köre, yaqalanğan şahıs 2014 senesiniñ sentâbrinde «Yedinaya Rossiya» («Birleşken Rusiye») fırqasından Kezlev şeer şurasına saylandı. Qırım deputatına 10 yıl muddetine qadar apishane cezası berilmek mumkün.

XS
SM
MD
LG