Qonuşuv gizliliksizligi: mahsus hizmetler Qırım sakinlerini nasıl diñleyler (video)
Telegram messenceri Rusiye FSBsi ile emekdaşlıq yapmaq istemey. Hizmetniñ rehberleri mahsus hizmetke qullanıcılarnıñ yazışmalarına irişüv iznini bermek istemey. FSB eki afta içinde istegenini elde etmese, Roskomnadzor (Alâqa, informatsion tehnologiyalar ve kütleviy kommunikatsiyalar saasında nezaret boyunca federal hizmet) büyün Rusiye ve ilhaq etilgen Qırımda meşhur messencerniñ işini toqtatmaq ricasınen mahkemege muracaat etecek. Şimdi yarımadanıñ bütün faal sakinleri FSBniñ «qalpağı altında» buluna. Ekspertlerniñ fikrine köre, telükesizlik hadimleri istegen kişini diñleyler. Vaqtınca işğal etilgen yarımada ile mobil alâqa aqqında Qırım.Aqiqatnıñ süjetini seyir etiñiz.