İşğalniñ toqtatılması ve qırımtatar muhtariyeti. Meclisniñ çetel diplomatları ile körüşüvinde ne aqqında laf ettiler (video)

İlhaq etilgen Qırım territoriyasında Rusiye saylavınıñ tanılmaması, qırımtatar muhtariyetini meydanğa ketirilmesiniñ perspektivaları ve yrımadada insan aqlarınıñ bozuluvı, Qırımtatar Milliy Meclisi liderleriniñ yılda bir kere ötkerilgen çetel devletleriniñ elçileri ile körüşüvindeki muzakerelerniñ esas mevzuları oldı. Ukraina tış işleri naziri Pavlo Klimkin jurnalistlerniñ, Rusiye prezidenti vazifesine namzet Kseniya Sobçaknıñ Ukraina qanunlarına muvafıq olaraq yarımadanı ziyaret ete bilmesiniñ imkânı aqqında suallerine cevap berdi. Körüşüv Kyivde martnıñ 13-nde keçti. Onı Qırımnıñ Rusiye tarafından ilhaqınıñ yıllığı munasebeti ile keçirdiler.