Link açıqlığı

Saatnıñ esas haberi

Biz Qırımda Rusiye prezidenti saylavını tanımaycaqmız – Mogerini (video)


Biz Qırımda Rusiye prezidenti saylavını tanımaycaqmız – Mogerini (video)
Bekleñiz, lütfen

No media source currently available

0:00 0:03:17 0:00

Avropa komissiysınıñ vitse-prezidenti, ABniñ çetel işleri ve havfsızlıq siyaseti boyunca yüksek temsilcisi Federika Mogerini ve Ukraina prezidenti Petro Poroşenko Kyivde ortaq brifingni ötkerdiler. Mogerini, ABniñ Rusiye tarafından ilhaq etilgen Qırımda bu devletniñ prezidenti saylavındaki rey berüvniñ neticelerini tanımaycağını bildirdi. Öz nevbette Petro Poroşenko, Ukrainanıñ da onı tanımaycağını ve, ondan ğayrı, yarımadanıñ territoriyasında onıñ teşkil etilmesinde iştirak etkenlerge qarşı sanktsiyalarnı tatbiq etecegini bildirdi. Ondan ğayrı, siyasetçiler reinlerni azat etüv ve Ukrainanıñ topraq bütünligini ğayrıdan tiklev meselelerini muzakere ettiler. Mart 1-de Yuqarı Rada BMT Telükesizlik Şurası ve Baş Assambleyası, Avropa Birligi, NATO, halqara teşkilâtlar, çetel parlamentleri ve ükümetlerini Qırımda Rusiye saylavınıñ qanuniyligini tanımamağa davet etti. Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı tatbiq etti. Rusiye, yarımadanı işğal etkenini red etip, buña «tarihiy adaletniñ tiklenüvi», dey. Ukrainanıñ Yuqarı Radası 2014 senesi fevral 20 kününi, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG