Link açıqlığı

Saatnıñ esas haberi

Baydarda dua. Qırım musulmanlarınıñ ilk tevqif etilüviniñ yıllığı (video)


Baydarda dua. Qırım musulmanlarınıñ ilk tevqif etilüviniñ yıllığı (video)
Bekleñiz, lütfen
Embed

No media source currently available

0:00 0:01:24 0:00

Baydar uvasındaki Baydar (Orlıne) köyünde 2015 senesiniñ yanvarinde Rusiye telükesizlik hadimleri ilk Qırım musulmanlarını tevqif etti. Olarnı, İslâmnı zornen kenişletilmesini red etken, lâkin Rusiyede terroristik ilân etilgen «Hizb ut-Tahrir» teşkilâtında iştirak etkenlerinde qabaatladılar. 2014 senesinden başlap, Qırımda endi 25 kişi «Hizb ut-Tahrir işi»niñ figurantı oldı. Qırımtatarlarda barışıqlı narazılıqlarını köstermek içün qalğan yekâne yol, siyasiy mabüslerniñ alı içün cemaatnen dua oqumaqtır. Yanvarniñ 25-nde qırımtatarlar birinci yurtdaşları tevqif etilgen kününiñ yıllığında olarnıñ qaytmaları ve repressiyalardan qurtarılmalarına dua etmek içün Baydarda toplaştılar. Balalar da büyükler kibi dua etti. İlhaqnıñ başından berli sürgen tevqif etüvler ve insanlarnıñ alıp qaçuvları neticesinde endi yüz bala babasız qaldı. «Hizb ut-Tahrir» halqara siyasiy İslâm teşkilâtınıñ vekilleri öz vazifesini, bütün musulman devletlerini bir İslam hilâfeti içinde birleştirüvde köreler. Lâkin olar buña irişmek içün terroristik usullarınıñ qullanıluvını red ete ve Rusiyede aqsız yerde taqip etilgenlerini aytalar. Rusiyeniñ Yuqarı mahkemesi 2003 senesinde «Hizb ut-Tahrir»ni «terroristik» olaraq tanılğan 15 birleşmeniñ cedveline kirsetip, yasaq etti.

XS
SM
MD
LG