Siyasiy mabüslerniñ balalarından aqılbaliğ sualler (video)

«Bizim balalar» Qırım hayriye vaqıfınıñ malümatına köre, al-azırda Qırımda babaları siyasiy sebeplerden yaqalanğan 100 qırımtatar balası baba baqımından marum qaldı. Qırımtatarlarnıñ ilk kütleviy yaqalanuvları 2015 senesi yanvar ayında başlandı. Şimdi yalıñız «Hizb ut-Tahrir işi» boyunca yigirmi beş kişi keçe. Yaqalanuvlar içün sebep – qomşularnıñ çaquvlarıdır. Yaqında siyasiy mabüslerniñ apaylarını bir qaç saatqa yaqaladılar. Küçlü apaylar ve olarnıñ yaşları yetkeninden evel yetişken balaları aqqında Qırım.Aqiqatnıñ süjetinde aytıla. «Hizb ut-Tahrir işi» boyunca yaqalanğan ve mahküm etilgen Qırım sakinleriniñ advokatları, olarnıñ taqibi din alâmetine köre yapıla, dep sayalar. Advokat Emil Qurbedinov, Rusiye uquqqoruyıcı organları tarafından bu iş boyunca taqip etilgenler esasen qırımtatarlar ve olarnen birlikte İslâm dinini kütken ukrainler, ruslar, tacikler, azerbaycanlar ve diger etnik gruppalarğa ait Qırım sakinleri olğanını qayd ete. Halqara siyasiy İslâm teşkilâtı «Hizb ut-Tahrir»niñ vekilleri öz vazifesini, bütün musulman devletleriniñ bir İslam hilâfeti içinde birleştirilmesi, dep köstereler. Lâkin olar buña irişmek içün terroristik usullarnıñ qullanıluvını red ete ve Rusiyede aqsız yerde taqip etilgenlerini aytalar. 2003 senesinde Rusiyeniñ Yuqarı mahkemesi «Hizb ut-Tahrir»ni, «terroristik» ilân etilgen 15 birleşmeniñ cedveline kirsetip, yasaq etti.