O, Ukrayına topraq bütünligine qoltutuv mitinglerini teşkil etken faaller arasında edi. Erkek o vaqıt yarımadanıñ zapt etilüvine mania olamağanları içün alâ daa kederlene. Emin ki, Qırımnı zapt etmek içün çoq azırlanğanlar, Qırımda çeşit türlü Rusiye teşkilâtları bar edi. 2014 senesi yarımadadaki mitinglerge «kazaklar» ve Rusiyeniñ çeşit regionlarından pensionerler ketirilgen edi, dep eminliknen ayta Ernest. Qırım işğalden azat etilgen soñ şimdi yarımadada yaşağan insanlarnen bir yerde yaşap olurmı bilmey. Ukrayınanı satqan ve Qırımnı terk etmege mecbur etkenlernen. Ernest Suleymanovnıñ közlerinde Qırım ilhaqı Qırım.Aqiqat maqalesinde tarif etile.