Link açıqlığı

Saatnıñ esas haberi

«Bu qara bir işaret». Maskalı insanlar qırımlı aq qorçalayıcılarnıñ ofisinde (video)


«Bu qara bir işaret». Maskalı insanlar qırımlı aq qorçalayıcılarnıñ ofisinde (video)
Bekleñiz, lütfen
Embed

No media source currently available

0:00 0:02:11 0:00

Noyabrniñ 6-nda Aqmescitte qırımlı advokatlarnıñ ofisine Ekstremizm ile küreş merkeziniñ hadimleri ve üyken prokuror Valentin Çuprina keldiler. Ziyaret maqsadı – advokat Emil Kürbedinovnı «ekstremist faaliyetiniñ yasağı» aqqında tenbiyelemektir. Uquq qorçalayıcılarnıñ bildirgenine köre, olarğa bir kişilik narazılıqlar aqqında malümat keldi. Bu aktsiyalarnıñ teşkil etilmesinde Kürbedinov da iştirak ete eken. «Ofisimizge sürip kirgenler, betlerinde maskalar bar edi, tez-tez tenbi vesiqasını oqup, 10 daqqa içinde ketkenler. Emil bundan soñ mahkemege ketti, oturışuvlar bar», – dep izaatlay advokat Edem Semedlâyev. O, bunıñ kibi tenbilerni advokat ve faaller içün «qara işaret» dep adlandıra: «Bu kâğıtnıñ yaqalamaq içün uquqiy bir imkânı yoq. Amma bu insanlar közetilgenini kösterecek olalar». Oktâbrniñ 27-nde «Qırım birdemliginiñ» toplaşuvı vaqtında bunıñ kibi tenbi kâğıtları advokat Edem Semedlâyev, uquqçı Lilâ Gemeci ve teşebbüs koordinatorı Dilâver Memetovğa berilgen edi.

XS
SM
MD
LG