Hayri Emir-Zade - Qırım ASSRniñ birinci halq artisti | Tugra (video)

O, 30-dan ziyade filmde oynadı, ekseriyette - baş rollerni. Yalta uyezdiniñ küçük Dereköyünde doğğan Hayri Emir-Zade, Yalta, Odessa ve Baku kino studiyalarında çekişlerde iştirak etti. İlk çıqışı onıñ aqlında ömürlik qalır - Kyivde hayriye aqşmalarınıñ birisinde oña qırımtatar oyunını icra etmege muracaat ettiler. O aqşamı onı yedi kere tekrar çıqmağa rica ettiler. Ondan soñ sıq-sıq çeşit-türlü tedbirlerde çıqış yapmağa davet ete ediler. 1912-nci yılda anası vefat etkeninden soñ, o, Qırımğa qayttı. On yıldan soñ o, qırımtatar devlet teatr truppasının ilk aktörlarından birisi ve halqnıñ sevimlisi oldı. Onıñ aqqında gazeta ve mecmualarda yaza ediler, Yalta kino studiyasında rejissör Tasin çıqarğan "Alim" filminden soñ ise o, büyük muvafaqiyetni qazandı. Hayri Emir-Zadege Qırım ASSRniñ halq artisti unvanı berildi, lâkin qırımtatar aktörı, ömrüniñ soñki yıllarını Azerbaycanda ayaqqapçı çalışıp, keçirdi.